సుశాంత్ సింగ్ రాజ్పుత్ ఆత్మహత్య కేసులో సినీ ప్రముఖుల విచారణ ముమ్మరంగా సాగుతోంది. తాజాగా కరణ్ జోహర్ నిర్మాణ సంస్థ ధర్మ ప్రొడక్షన్స్ సీఈఓ అపూర్వా మెహతాను విచారించారు ముంబయి పోలీసులు. అతడి స్టేట్మెంట్ను రికార్డు చేశారు.
ఇప్పటికే ప్రముఖ నిర్మాత మహేశ్ భట్, సంజయ్ లీలా భన్సాలీ, యశ్రాజ్ ఫిలింస్ అధినేత ఆదిత్యా చోప్రా సహా 40మందిని విచారించారు పోలీసులు.
జూన్ 14న సుశాంత్ ముంబయిలోని తన నివాసంలో ఆత్మహత్య చేసుకున్నాడు. అనంతరం ఈ నటుడి మరణానికి పలువురు సినీ ప్రముఖులు కారణమని న్యాయవాది సుధీర్ కుమార్ ఓజా కోర్టులో కేసు వేశారు. ఈ క్రమంలోనే ముంబయి పోలీసులు సుశాంత్ మృతికి గల కారణాలపై విచారణ కొనసాగిస్తున్నారు. అయితే, కొంత మంది సినీ ప్రముఖులు, అభిమానులు సీబీఐ విచారణకు అనుమతి ఇవ్వాలని సామాజిక మాధ్యమాల వేదికగా డిమాండ్ చేస్తున్నారు.
