ఇంగ్లాండ్​తో సిరీస్ ఆడేందుకు సిద్ధం: సన్నీ

బాలీవుడ్ బ్యూటీ సన్నీలియోన్​.. బ్యాట్​ బట్టి క్రికెట్​ ఆడుతూ సందడి చేసింది. దానికి సంబంధించిన వీడియో ప్రస్తుతం నెట్టింట వైరల్​గా మారింది. ఇంగ్లాండ్​తో జరిగే సిరీస్​లో ఆడేందుకు తాను సిద్ధమని సన్నీ చమత్కరిస్తూ ఈ వీడియోను సోషల్​మీడియాలో పోస్ట్​ చేసింది.

ఓ రియాలిటీ షో చిత్రీకరణ కోసం ఇటీవల కేరళకు చేరుకుంది బాలీవుడ్​ బ్యూటీ సన్నీలియోన్​. ఖాళీ సమయంలో సరదాగా బ్యాట్​ పట్టి క్రికెట్​ ఆడింది. దానికి సంబంధించిన వీడియోను సోషల్​మీడియాలో షేర్​ చేసింది. అందులో బ్యాట్​తో బంతిని షాట్​గా మలిచింది సన్నీ. ఇక తాను టీమ్​ఇండియా జట్టులో చేరేందుకు సిద్ధంగా ఉన్నానని ఆ వీడియోను జతచేస్తూ చమత్కరించింది.

భారత్​, ఇంగ్లాండ్​ మధ్య ఫిబ్రవరి 5 నుంచి టెస్టు సిరీస్​ ప్రారంభం కానుంది. 'ఇంగ్లాండ్​తో సిరీస్​ ఆడేందుకు నా కిట్​ను సర్దుకోవచ్చా?' అంటూ సరదాగా ఇన్​స్టాగ్రామ్​లో సన్నీ రాసుకొచ్చింది. ఈ వీడియో ప్రస్తుతం నెట్టింట వైరల్​గా మారింది.

ఇదీ చూడండి:ట్రైలర్​: 'దేశంలో క్రీడాకారుడికి కనీస గౌరవం ఇవ్వట్లేదు!'