కథానాయకుడు సందీప్ కిషన్లో చక్కని నటుడు, నిర్మాతతో పాటు మంచి భోజన ప్రియుడూ ఉన్నారు. ఈ అభిరుచితోనే ఆయన రెండు తెలుగు రాష్ట్రాల్లో 'వివాహ భోజనంబు' పేరుతో రెస్టారెంట్లు ప్రారంభించి సేవలందిస్తున్నారు. ఇప్పుడాయన ఇదే 'వివాహ భోజనంబు' పేరుతో ఓ చిత్రాన్ని నిర్మించేందుకు సిద్ధమవుతున్నారు.
సందీప్ 'వివాహ భోజనంబు' రెడీ అవుతోందా..?
టాలీవుడ్ యంగ్ హీరో సందీప్ కిషన్ నిర్మాణంలో మరో చిత్రం రాబోతుంది. 'వివాహ భోజనంబు' అనే టైటిల్తో సినిమాను నిర్మించనున్నట్లు సోషల్మీడియాలో ప్రకటించాడీ హీరో.
'వివాహ భోజనంబు'కు సిద్ధం అవ్వండి: సందీప్
'నిను వీడని నీడని నేను', 'ఏ1 ఎక్స్ప్రెస్' చిత్రాల తర్వాత ఆయన నిర్మాణంలో రూపొందుతోన్న మూడో చిత్రమిది. శినిష్ అనే మరో నిర్మాతతో కలిసి ఈ కొత్త చిత్రాన్ని నిర్మించబోతున్నారు సందీప్. సోమవారం ఈ సినిమా ప్రీ-లుక్ను విడుదల చేశారు. కొన్ని యధార్థ సంఘటనల ఆధారంగా చిత్రాన్ని రూపొందించనున్నట్లు పోస్టర్ ద్వారా తెలియజేసింది చిత్రబృందం.
రామ్ అబ్బరాజు దర్శకుడిగా వ్యవహరించబోతున్నారు. త్వరలోనే ఫస్ట్లుక్తో పాటు చిత్ర నాయకానాయికలు, ఇతర నటీనటుల వివరాలను వెల్లడించనున్నట్లు తెలియజేశారు. ఈ చిత్రానికి కూర్పు ఛోటా.కె.ప్రసాద్, ఛాయాగ్రహణం మణికందన్ అందించనున్నారు.