ఒకప్పుడు త‌న‌ని తిరస్కరించిన ఓ ప్రముఖ మ్యాగజైన్ ఇప్పుడు తన ఫొటోని ప్రచురించడంపై ఆనందాన్ని వ్యక్తం చేశారు నటుడు సోనూసూద్(sonu sood). సామాజిక మాధ్య‌మాల వేదిక‌గా ఆ సంస్థ‌కి ధ‌న్య‌వాదాలు తెలియ‌జేశారు.
sonu sood: ఒకప్పుడు తిరస్కరణ.. ఇప్పుడు ప్రశంసలు!
ఒకప్పుడు తనను తిరస్కరించిన ఓ ప్రముఖ మ్యాగజైన్ తాజాగా తన ఫొటో ప్రచురించడంపై సంతోషం వ్యక్తం చేశారు నటుడు సోనూసూద్(sonu sood). 2021 ఏప్రిల్ కవర్ పేజీపై సోనూ ఫొటోను ప్రచురించిన స్టార్ డస్ట్పై ఈ వ్యాఖ్యలు చేశారు.
సోనూసూద్
"గతంలో స్టార్ డస్ట్ (stardust) ఆడిష‌న్ కోసం కొన్ని ఫొటోల్ని పంపించా. న‌న్ను తిరస్క‌రించారు. కానీ, ఇప్పుడు అదే మ్యాగ‌జైన్‌పై నా ఫొటో ప్ర‌చురించినందుకు వారికి కృత‌జ్ఞ‌తలు చెప్పాల‌నుకుంటున్నా" అని ట్వీట్ చేశారు సోనూ. 2021 ఏప్రిల్ మ్యాగజైన్ కవర్ పేజీపై సోనూ ఫొటోని ప్ర‌చురించి.. రియ‌ల్ హీరో సోనూసూద్ అని కొనియాడింది స్టార్ డస్ట్. ముంబ‌యి వేదిక‌గా 1971 నుంచి ప్ర‌చురిత‌మ‌వుతోంది ఈ మాస ప‌త్రిక.
కొవిడ్ ఫ‌స్ట్ వేవ్ నుంచి అడిగిన వారికి లేద‌న‌కుండా సాయం చేస్తూనే ఉన్నారు సోనూసూద్. సెకండ్ వేవ్‌లో ఆయ‌న సేవ‌లు మ‌రింత విస్తృత‌మ‌య్యాయి. ఆక్సిజ‌న్ ప్లాంట్లు నెల‌కొల్పి, దేశ‌మంత‌టా ఆక్సిజ‌న్ కాన్సంట్రేట‌ర్లు ఉచితంగా అందిస్తూ ప్రాణ‌దాత అనిపించుకుంటున్నారు.