అతిలోక సుందరి శ్రీదేవి కూతురు బాలీవుడ్ హీరోయిన్ జాన్వీ కపూర్ వేసుకునే దుస్తుల విషయమై తాను చింతిస్తున్నానంటూ తెలిపింది కత్రినా కైఫ్. వీరిద్దరూ బాంద్రాలోని ఒకే జిమ్‌లో వర్కవుట్లు చేస్తుంటారు. అక్కడికి చిట్టిపొట్టి షార్ట్స్ వేసుకొని వెళ్తుంటుంది జాన్వీ. ఈ ఫొటోలు ఎప్పటికప్పుడు సామాజిక మాధ్యమాల్లో వైరల్‌ అవుతూనే ఉంటాయి. ఇటీవల ఓ ముఖాముఖిలో ఈ విషయంపై మాట్లాడింది కత్రినా.
‘‘జాన్వీ జిమ్‌కు మరీ చిన్నగా కనిపించే షార్ట్స్ వేసుకొస్తూ ఉంటుంది. ఆ విషయంలో నేను కాస్త భయపడుతుంటాను. ఇద్దరం ఒకే జిమ్‌కి వెళతాం. కలిసే వర్కవుట్లు చేస్తుంటాం. కానీ తన దుస్తుల విషయంలో మాత్రం కాస్త చింతిస్తుంటాను’’ -కత్రినా కైఫ్, బాలీవుడ్ హీరోయిన్
అనంతరం సోనమ్ కపూర్ ఈ విషయంపై స్పందించింది. సోదరి జాన్వీని సమర్ధిస్తూ షార్ట్స్‌లో ఉన్న ఫొటోను ఇన్స్టాలో షేర్‌ చేసింది. పరోక్షంగా కత్రినా కైఫ్కు సమాధానమిచ్చింది.