మెగా మేనల్లుడు సాయిధరమ్ తేజ్ మరో కొత్త సినిమాకు గ్రీన్ సిగ్నల్ ఇచ్చినట్లు సమాచారం. మారుతి దర్శకత్వంలో ఓ చిత్రం చేయనున్నట్లు తెలుస్తోంది.
మెగా కాంపౌండ్ నుంచి వచ్చి తనకంటూ గుర్తింపు తెచ్చుకున్న నటుడు సాయిధరమ్ తేజ్. యూత్ఫుల్ కథాంశాలను తీయడంలో దిట్టగా పేరు సంపాదించిన దర్శకుడు మారుతి. వీరిద్దరి కాంబినేషన్‌లో ఓ సినిమా రూపొందుతున్నట్లు సమాచారం. గీతా ఆర్ట్స్, యూవీ క్రియేషన్స్‌ సంయుక్తంగా ఈ సినిమాను నిర్మించనున్నాయి. ఇంతకుముందు ఇదే బ్యానర్‌లో మారుతి దర్శకత్వంలో వచ్చిన ‘'భలే భలే మగాడివోయ్‌' విజయాన్నందుకొంది. ఇప్పుడు మరోసారి ఇదే కాంబినేషన్‌లో సినిమా రూపొందబోతోంది.