నటుడు శక్తికపూర్‌ కుమార్తెగా ఇండస్ట్రీలోకి అడుగుపెట్టి ప్రస్తుతం బాలీవుడ్‌ లక్కీలేడీగా పేరు తెచ్చుకుంది నటి శ్రద్ధా కపూర్. వరుస ప్రేమకథా చిత్రాలతో అలరిస్తోన్న ఈ బ్యూటీ.. 'సాహో'తో తెలుగువారికీ సుపరిచితురాలైంది. ప్రస్తుతం లవ్‌ రంజన్‌ దర్శకత్వంలో తీస్తున్న ఓ సినిమాలో నటిస్తుంది. ఇటీవల తన స్నేహితురాలి వివాహం కోసం పెళ్లి పెద్దగా మారి.. దగ్గరుండి వివాహం జరిపించింది.
శ్రద్ధానాయక్‌ అనే మేకప్ ఆర్టిస్ట్ గత కొన్నేళ్ల నుంచి నటి శ్రద్ధాకపూర్‌కు వ్యక్తిగత మేకప్ అసిస్టెంట్‌గా పనిచేస్తుంది. దీంతో శ్రద్ధాకపూర్‌తో ఆమెకు స్నేహం పెరిగింది. ఈ క్రమంలోనే ఇటీవల శ్రద్ధానాయక్‌ తన చిన్ననాటి స్నేహితుడు రిచీని వివాహమాడారు. అయితే, వివాహ సమయంలో పెళ్లి వేదికపై శ్రద్ధాకపూర్ పెద్దగా వ్యవహరించారు.