షారుఖ్​కు 'ఎక్సలెన్స్ ఇన్ సినిమా' అవార్డు

మెల్​బోర్న్​లో జరగనున్న ఇండియన్ ఫిల్మ్​ఫెస్టివల్​కు బాలీవుడ్ నటుడు షారుక్​ హాజరుకానున్నాడు. ఎక్సలెన్స్​ ఇన్ సినిమా అవార్డు అందుకోనున్నాడు. ఆగస్టు 8న ఈ కార్యక్రమం జరగనుంది.

ఆగస్టు 8న ఆస్ట్రేలియాలోని మెల్​బోర్న్​లో ఇండియన్ ఫిల్మ్ ఫెస్టివల్ 10వ ఎడిషన్‌కు సూపర్ స్టార్ షారుఖ్ ఖాన్ ముఖ్య అతిథిగా వెళ్లనున్నాడు. విక్టోరియా తొలి మహిళా గవర్నర్‌ లిండా డెసౌ చేతుల మీదుగా 'ఎక్సలెన్స్ ఇన్ సినిమా' అవార్డు అందుకోనున్నాడు.

"ఫిల్మ్ ఫెస్టివల్​కు వెళ్లేందుకు ఆతృతగా ఎదురుచూస్తున్నా. ఈ వేడుకలకు దేశం నలుమూలల నుంచి వస్తున్న ప్రముఖలను కలవడం మంచి అనుభవంగా భావిస్తా. లిండా డెసౌను కలిసేందుకు ఎదురుచూస్తున్నా" -షారుఖ్, బాలీవుడ్ నటుడు.

"హిందీ సినిమా మార్గదర్శకుల్లో షారుఖ్ ఒకరు. ఈ రంగంలో అతని సహకారం చాలా ఉంది. బాలీవుడ్​ సినిమాలకు ప్రపంచ వ్యాప్తంగా ప్రఖ్యాతి తీసుకొచ్చి, కోట్ల మందిపై ప్రభావం చూపారు." - మితు భౌమిక్, ఫెస్టివల్ డైరెక్టర్.

ఇదిచదవండి: కాజోల్ నీ అందానికి అతి నిద్ర అవసరమే లేదు...!