అగ్ర కథానాయకులందరూ తమ సినిమాల విడుదల తేదీని ప్రకటిస్తూ అభిమానుల్లో ఆనందాన్ని నింపుతున్నారు. ప్రస్తుతం ఈ జాబితాలోకి మహేశ్బాబు కూడా వచ్చి చేరారు. ఆయన కథానాయకుడిగా పరుశురామ్‌ దర్శకత్వంలో తెరకెక్కుతున్న యాక్షన్‌ ఎంటర్‌టైనర్‌ 'సర్కారువారి పాట'. కీర్తి సురేశ్‌ కథానాయిక. లాక్‌డౌన్‌ కారణంగా ఆలస్యమైన చిత్రీకరణ ఇటీవల దుబాయ్‌లో ప్రారంభమైంది. ఈ సందర్భంగా సినిమాకు సంబంధించి ఓ ఆసక్తికర అప్‌డేట్‌ను చిత్ర బృందం అభిమానులతో పంచుకుంది.
'సర్కారువారి పాట' చిత్రాన్ని వచ్చే ఏడాది సంక్రాంతి కానుకగా ప్రేక్షకుల ముందుకు తీసుకురానున్నట్లు ప్రకటించారు. ఈ సందర్భంగా తాళాల గుత్తి పట్టుకున్న మహేశ్ చేతి పోస్టర్‌ను విడుదల చేశారు.
"సూపర్స్టార్' సంక్రాంతి మరోసారి రానుంది. 'సర్కారువారి పాట'ను 2022 సంక్రాంతి కానుకగా విడుదల చేస్తాం."