కరోనా తగ్గుముఖం పట్టడం వల్ల సినిమాల షూటింగ్లు జోరందుకున్నాయి. అలాగే థియేటర్లూ ఓపెన్ కావడం వల్ల రిలీజ్ డేట్స్, ప్రమోషన్లు, అప్డేట్స్ అంటూ చిత్రబృందాలు హడావుడి చేస్తున్నాయి. ఈ క్రమంలోనే మహేశ్ బాబు హీరోగా పరశురామ్ తెరకెక్కిస్తోన్న 'సర్కారు వారి పాట' నుంచి అప్డేట్ ఇచ్చేందుకు సిద్ధమైంది చిత్రబృందం. జులై 31న ఈ మూవీకి సంబంధించిన ఫస్ట్ నోటీస్ ఇస్తామని తెలిపారు. దీంతో అభిమానులు సంతోషం వ్యక్తం చేస్తున్నారు.
మహేశ్ ఫ్యాన్స్కు శుభవార్త.. అప్డేట్తో 'సర్కారు వారి పాట'
మహేశ్ బాబు హీరోగా నటిస్తోన్న 'సర్కారు వారి పాట' నుంచి అప్డేట్ రానుంది. జులై 31న ఈ మూవీకి సంబంధించిన ఫస్ట్ లుక్ రిలీజ్ చేస్తున్నట్లు వెల్లడించింది చిత్రబృందం.
సర్కారు వారి పాట
ఈ సినిమాలో కీర్తి సురేశ్ హీరోయిన్గా చేస్తోంది. అర్జున్ ప్రతినాయకుడిగా నటిస్తున్నారు. తమన్ సంగీత దర్శకుడు. బ్యాంకుల ఎగవేత నేపథ్య కథాంశం ఆధారంగా ఈ చిత్రాన్ని తెరకెక్కిస్తున్నట్లు సమాచారం. ఇందులో మహేశ్బాబు సరికొత్త లుక్లో స్టైలిష్గా కనిపించనున్నారట. వచ్చే ఏడాది సంక్రాంతి కానుకగా థియేటర్లలోకి 'సర్కారువారి పాట' రానుంది.