'అల.. వైకుంఠపురము' లో అరవ దర్శకుడు..!

తమిళ దర్శకుడు, నటుడు  సముద్రఖని.. త్రివిక్రమ్ తెరకెక్కిస్తున్న అల.. వైకుంఠపురములో సినిమాలో ఓ కీలక పాత్రలో కనిపించనున్నాడు. ఈ విషయాన్ని అతడే ట్విట్టర్లో షేర్​ చేశాడు.

రాజమౌళి తెరకెక్కిస్తున్న ఆర్​ఆర్ఆర్​ చిత్రంలో ఇప్పటికే అవకాశాన్ని దక్కించుకున్న తమిళ దర్శకుడు, నటుడు సముద్రఖని మరో తెలుగు సినిమాలో నటించబోతున్నాడు. అల్లు అర్జున్ - త్రివిక్రమ్ కాంబినేషన్​లో వస్తున్న మూడో చిత్రం అల.. వైకుంఠపురములో కీలకపాత్ర పోషించబోతున్నాడు. ఈ విషయాన్ని సముద్రఖని ట్విట్టర్ ద్వారా పంచుకున్నాడు.

"అద్భుత దర్శకుడు త్రివిక్రమ్​తో పనిచేస్తున్నందుకు ఎంతో ఆనందంగా ఉంది" - సముద్రఖని, తమిళ దర్శకనటుడు

ప్రస్తుతం ఈ ఫొటో నెట్టింట చక్కర్లు కొడుతోంది. ఎన్నో విజయవంతమైన తమిళ చిత్రాలకు దర్శకత్వం వహించిన సముద్రఖని నటుడిగానూ మెప్పించాడు. తెలుగులో శంభో శివ శంభో, జెండాపై కపిరాజు లాంటి సినిమాలతో గుర్తింపు తెచ్చుకున్నాడు.

ఇదీ చదవండి: సాయిచంద్ తన నటనతో 'ఫిదా' చేశాడు: చిరంజీవి