ప్రముఖ దర్శకుడు గుణశేఖర్‌ తెరకెక్కిస్తున్న సరికొత్త చిత్రం 'శాకుంతలం'. మహాభారతంలోని ఆదిపర్వంలో శకుంతల, దుష్యంతుల ప్రేమకథ ఆధారంగా ఈ సినిమాను తెరకెక్కిస్తున్నారు. ఇందులో సమంత ప్రధానపాత్ర పోషిస్తుంది. తాజాగా దుష్యంత్ పాత్రను ఎవరు పోషించబోతున్నారో తెలిపారు సామ్. మలయాళ నటుడు దేవ్ మోహన్.. ఈ పాత్రలో నటించబోతున్నట్లు ఓ వీడియోను ట్వీట్ చేశారు.
ఈ సినిమా షూటింగ్‌ను మార్చి 20న ప్రారంభించే ఆలోచనలో చిత్రబృందం ఉందటా!. అందుకు అనుగుణంగా సినిమా ప్రీ ప్రొడక్షన్ పనులను నిర్వహిస్తున్నారని తెలుస్తోంది. పాన్‌ ఇండియా సినిమాగా రూపొందిస్తున్నట్లు ఆ మధ్య విడుదల చేసిన మోషన్‌ పోస్టర్‌లో వెల్లడించారు. మణిశర్మ స్వరాలు సమకూరుస్తుండగా నీలిమ గుణ నిర్మిస్తున్నారు.