సంక్రాంతికి 'మాస్టర్'గా వచ్చిన కోలీవుడ్ హీరో విజయ్.. తెలుగు, తమిళ ప్రేక్షకుల్ని విశేషంగా ఆకట్టుకున్నారు. లోకేశ్ కనకరాజన్ దర్శకత్వ ప్రతిభపై ప్రశంసలు వచ్చాయి. ఇప్పుడు ఈ చిత్రాన్ని హిందీలో రీమేక్ చేసే ప్రయత్నాలు జరుగుతున్నాయి. ఇందులో బాలీవుడ్ స్టార్ సల్మాన్ ఖాన్ నటించనున్నారని సమాచారం. ఇప్పటికే చిత్రబృందం సల్మాన్ను సంప్రదించగా ఆయన గ్రీన్ సిగ్నల్ కూడా ఇచ్చేశారని తెలిసింది.
ఈ చిత్రంలో హీరోకు దీటుగా విలన్ పాత్ర ఉంటుంది. మాతృకలో స్టార్ నటుడు విజయ్ సేతుపతి ఈ రోల్ చేశారు. ఆ పాత్ర కోసం బాలీవుడ్లో మరో పెద్ద స్టార్ను ఎంపిక చేసే పనిలో చిత్రబృందం ఉందట. ఈ రీమేక్ గురించి త్వరలోనే అధికారిక ప్రకటన వచ్చే అవకాశముంది.