వెబ్​సిరీస్​తో 'ఫిదా' చేయబోతున్న సాయి పల్లవి

ఇప్పటికే అగ్రనాయికలు సమంత, తమన్నా తదితరులంతా వెబ్​సిరీస్​ల్లో నటించేందుకు సిద్ధమయ్యారు. తాజాగా ఈ జాబితాలో సాయి పల్లవి చేరింది.

తమ అందం, అభినయాలతో ప్రేక్షకుల్ని అలరించేందుకు కథానాయికలు కొత్త మార్గాలు అన్వేషిస్తున్నారు. దీనిలో భాగంగానే సినిమాలతో పాటు వెబ్‌ సిరీస్‌లూ చేసేందుకు ఆసక్తి కనబరుస్తున్నారు. ఇప్పటికే అగ్ర నాయికలు సమంత, తమన్నా తదితరులంతా డిజిటల్‌ తెరలపై సందడి చేసేందుకు రంగంలోకి దిగిపోగా.. ఇప్పుడు సాయిపల్లవి ఈ జాబితాలో చేరింది.

త్వరలోనే సాయి పల్లవి ఓ వెబ్‌సిరీస్‌లో నటించేందుకు సిద్ధమవుతోంది. ప్రముఖ తమిళ దర్శకుడు వెట్రిమారన్‌ ఈ సిరీస్‌కు దర్శకత్వం వహించనున్నారు. పరువు హత్యల నేపథ్యంతో సాగే కథతో ఇది రూపొందనున్నట్లు సమాచారం. ఇందులో ప్రముఖ నటుడు ప్రకాష్‌రాజ్‌ ఓ కీలక పాత్రలో నటించనున్నారట. త్వరలోనే అధికారిక ప్రకటన వెలువడే అవకాశముంది.