'బాహుబలి' లాంటి ప్రతిష్ఠాత్మక చిత్రం తర్వాత ప్రభాస్ హీరోగా నటిస్తోన్న సినిమా 'సాహో.' ఇప్పటికే షూటింగ్ పూర్తి చేసుకున్న ఈ మూవీ విడుదల తేదీపై సందిగ్ధం ఏర్పడింది. ఆగస్టు 15న విడుదలవ్వాల్సిన చిత్రం... కొన్ని కారణాల వల్ల వాయిదా పడింది.
ఎట్టకేలకు సాహో విడుదలపై ఉత్కంఠకు, ఊహాగానాలకు తెరదించుతూ చిత్ర నిర్మాతలు విడుదల తేదీ ప్రకటించారు. యూవీ క్రియేషన్స్ ట్విట్టర్ వేదికగా ఓ ప్రకటన విడుదల చేసింది. 'సాహో'ను ఆగస్టు 30న ప్రపంచవ్యాప్తంగా విడుదల చేస్తున్నట్లు ప్రకటించింది. సినిమా ఔట్పుట్ విషయంలో ఎలాంటి రాజీ పడకూడదనే కాస్త ఆలస్యంగా ప్రేక్షకుల ముందుకు తీసుకొస్తున్నట్లు చిత్రబృందం తెలిపింది.