'బాటిల్ ఖాళీ చేయడం కాదు.. ఇలాంటివి ట్రై చేయాలి'

టాలీవుడ్ హీరో కార్తికేయ బ్యాటిల్ క్యాప్ ఛాలెంజ్​తో తన ప్రతిభను చూపాడు. కాలితో బాటిల్ మూతను తన్ని ట్రై చేయండి అంటూ నెటిజన్లకు సవాల్ విసిరాడు.

బాటిల్ క్యాప్ ఛాలెంజ్.. ప్రస్తుతం సామాజిక మాధ్యమాల్లో ట్రెండ్ అవుతోంది. హాలీవుడ్, బాలీవుడ్ అన్న తేడాలేకుండా చాలా మంది సినీ ప్రముఖులు ఈ సవాల్​ను స్వీకరిస్తున్నారు. తాజాగా ఈ జాబితాలోకి టాలీవుడ్ హీరో ఆర్ ఎక్స్​ 100 ఫేమ్ కార్తికేయ చేరాడు. బాటిల్​ మూతను కాలితో తన్ని ఛాలెంజ్​ను పూర్తి చేశాడు.

"బాటిల్ కనిపించగానే ఓపెన్ చేశామా.. దించకుండా తాగి ఖాళీ చేశామా.. అన్నట్టు కాదు. అప్పుడు అప్పుడు ఇలాంటివి కూడా ట్రై చేయాలి" అంటూ ట్విట్టర్లో వీడియో షేర్ చేశాడు.

బాటిల్​ మూతను వదులుగా వుంచి.. బాటిల్ కిందపడకుండా మూతను కాలితో తన్ని వేరుచేసే ప్రకియే బాటిల్ క్యాప్ ఛాలెంజ్.

ఇటీవలే హిప్పితో ప్రేక్షకుల ముందుకు వచ్చాడు కార్తికేయ. అయితే ఆ సినిమా ఆశించిన ఫలితాన్ని అందుకోలేదు. ప్రస్తుతం గుణ 369 చిత్రంలో నటిస్తున్నాడు. అర్జున్ జంధ్యాల దర్శకుడు. అనిల్ కడియాల, తిరుమల్ రెడ్డి నిర్మాతలు. ఆగస్టు 2న సినిమా విడుదల కానుంది.

ఇది చదవండి: సినీడైరీ: హిందీ పాటలో తెలుగు.. సూపర్​హిట్​