సినిమాల్లోని సెట్లు, హీరో హీరోయిన్లు వాడే వస్తువులు ప్రజలను బాగా ఆకట్టుకుంటాయి. 'గేమ్ ఆఫ్ థ్రోన్స్' సిరీస్లో ఉపయోగించిన ఐరన్ థ్రోన్కు ప్రపంచవ్యాప్తంగా మంచి ఫాలోయింగ్ వచ్చింది. అందుకే రష్యాలోని సెయింట్ పీటర్బర్గ్స్ హెచ్బీఓ మెయిన్ స్క్వేర్ వద్ద ప్రజలు ఫొటోలు తీసుకునేందుకు లోహ సింహాసనాన్ని ఏర్పాటు చేశారు.
రష్యా అధికారులు చేసిన తనిఖీల్లో ఆ ఇనుప సింహాసనం అనుమతి లేకుండా ఏర్పాటు చేసినట్లు తేలింది. వెంటనే ఆ ఐరన్ థ్రోన్ను స్వాధీనం చేసుకున్నారు. తొలగించిన దానిని ఎక్కడ ఏర్పాటు చేయనున్నారు? మళ్లీ అదే ప్రాంతంలో ఏర్పాటు చేసే అవకాశం ఉందా? అనే విషయాలపై స్పష్టత ఇవ్వలేదు.