యంగ్టైగర్ ఎన్టీఆర్, మెగా పవర్స్టార్ రామ్చరణ్లతో దర్శకుడు రాజమౌళి తెరకెక్కిస్తున్న 'ఆర్ఆర్ఆర్' (RRR) సినిమా షూటింగ్ పూర్తయింది. ఈ మేరకు చిత్రబృందం గురువారం ప్రకటించింది. కొన్ని చిన్న చిన్న షాట్స్ మాత్రమే మిగిలి ఉన్నాయని.. పోస్ట్ ప్రొడక్షన్ పనులు కూడా శరవేగంగా సాగుతున్నాయని వెల్లడించింది. అంతే కాకుండా రానున్న రోజుల్లో మరిన్ని ఇంట్రెస్టింగ్ అప్డేట్స్ను ఇస్తామని పేర్కొంది. ఏ బైక్ షాట్తో అయితే చిత్రీకరణ ప్రారంభం అయిందో.. అదే బైక్ షాట్తో షూటింగ్ పూర్తి చేశామని తెలిపింది.
త్వరలో అప్డేట్..
భారీ అంచనాల మధ్య తెరకెక్కుతున్న ఈ 'ఆర్ఆర్ఆర్' సినిమాపై.. మూవీ టీమ్ మరో క్లారిటీ కూడా ఇచ్చినట్టే చెప్పాలి. ఇన్ని రోజులు కూడా ఈ చిత్రం ప్రతి పోస్టర్, బ్యానర్ లో కొత్త రిలీజ్ డేట్ అక్టోబర్ 13ని వేస్తూ వచ్చారు. కానీ ఇప్పుడు ఇందులో దానిని మిస్ చేశారు. దీంతో సినిమా విడుదల వాయిదా పడినట్లే కనిపిస్తోంది. ఈ భారీ మల్టీస్టారర్ చిత్రం కొత్త రిలీజ్ డేట్ పై రానున్న రోజుల్లో మరో ప్రకటన రానుంది అనే టాక్ ఉంది. మరి అది ఎప్పుడు వస్తుందో చూడాలి.