హాలీవుడ్ నటుడు రాబర్ట్ ప్యాటిన్సన్.. జేమ్స్ బాండ్ పాత్రకు సరిపోతాడని దర్శకుడు డేనీ బోయల్ అభిప్రాయపడ్డాడు. ఆ పాత్రకు న్యాయం చేకూర్చగలడని తెలిపాడు. ప్రస్తుతం బాండ్గా నటిస్తున్న డేనియల్ క్రేగ్.. జేమ్స్బాండ్ సిరీస్లో వస్తున్న 25వ చిత్రం తర్వాత వైదొలగనున్నాడు. దీంతో తర్వాత బాండ్ ఎవరనేది సర్వత్రా చర్చనీయాంశమైంది.
రాబర్ట్ నటించిన సైంటిఫిక్ చిత్రం 'హై లైఫ్' చూశాను. ఆ సినిమాలో అతడి నటన చూసిన తర్వాత జేమ్స్ బాండ్ పాత్రకు న్యాయం చేకూర్చగలడనిపించింది. -డేనీ బోయల్, హాలీవుడ్ దర్శకుడు
ఇప్పటికే బ్యాట్మ్యాన్ పాత్రను సొంతం చేసుకున్నాడు రాబర్ట్. ఇటీవలే దీనికి సంబంధించి వార్నర్ బ్రదర్స్ నిర్మాణ సంస్థతో ఒప్పందం చేసుకున్నాడు. ఇప్పుడు జేమ్స్ బాండ్ పాత్ర కూడా సొంతం చేసుకుంటే ఈ ట్విలైట్ నటుడు నక్క తోక తొక్కినట్టే. ట్విలైట్లో వాంపైర్గా మెప్పించాడు రాబర్ట్.
బాండ్ 25వ చిత్రానికి మొదట దర్శకుడిగా డేని బోయల్నే అనుకున్నారు. అయితే అనివార్య కారణాలతో ఆ సినిమా నుంచి గత ఏడాది ఏప్రిల్లో వైదొలిగాడు. డేనీ బోయల్ ఇంతకు ముందు స్లమ్ డాగ్ మిలినీయర్, 127 అవర్స్, 28 డేస్ లేటర్ లాంటి చిత్రాలతో ఆకట్టుకున్నాడు.
ఇది చదవండి: ఆమిర్తో ఆ హీరోయిన్ మూడోసారి..!