'బాహుబలి', 'సాహో' చిత్రాలతో పసందైన యాక్షన్ హంగామాను చూపించారు అగ్ర కథానాయకుడు ప్రభాస్. అందుకే ఇప్పుడాయన కొత్తగా 'రాధేశ్యామ్'తో ఓ విభిన్నమైన ప్రేమకథను రుచి చూపించేందుకు సిద్ధమయ్యారు. రాధాకృష్ణ కుమార్‌ దర్శకత్వంలో రూపొందుతున్న చిత్రమిది. గోపీకృష్ణ మూవీస్‌, యూవీ క్రియేషన్స్‌ నిర్మిస్తున్నాయి. పూజా హెగ్డే నాయిక. ఇందులో ప్రభాస్ పెదనాన్న.. సీనియర్‌ నటుడు కృష్ణంరాజు ఓ కీలక పాత్రలో కనిపించనున్నారని సమాచారం.
'రాధేశ్యామ్'లో పరమహంసగా రెబల్స్టార్!
డార్లింగ్ ప్రభాస్ హీరోగా తెరకెక్కుతోన్న 'రాధేశ్యామ్' చిత్రంలో దిగ్గజ నటుడు కృష్ణంరాజు నటించనున్నారని సమాచారం. ప్రేమకథ నేపథ్యంలో రూపొందుతోన్న ఈ సినిమాలోని పరమహంస పాత్రలో రెబల్స్టార్ దర్శనమివ్వనున్నారని ప్రచారం జరుగుతోంది.
'రాధేశ్యామ్'లో పరమహంసగా రెబల్స్టార్!
ప్రభాస్, కృష్ణంరాజు గతంలో 'బిల్లా', 'రెబల్' చిత్రాల్లో కలిసి నటించారు. ఇప్పుడిన్నాళ్ల తర్వాత మళ్లీ ఈ చిత్రం కోసం తెర పంచుకోనున్నారని తెలుస్తోంది. రాధేశ్యామ్లో 'పరమహంస' అనే పాత్రలో కృష్ణంరాజు దర్శనమిస్తారని తెలుస్తోంది. ఈ సినిమా ప్రస్తుతం హైదరాబాద్‌లో తుది దశ చిత్రీకరణలో ఉంది.
Last Updated : Jan 22, 2021, 11:48 AM IST