Raviteja Ramesh varma: మాస్ మహారాజా రవితేజ.. 'ఖిలాడి'గా త్వరలో థియేటర్లలోకి రానున్నారు. అయితే ఈ సినిమాకు దర్శకత్వం వహించిన రమేశ్ వర్మ.. గతంలో రవితేజతోనే 'వీర' తీశారు. ఆ చిత్రం ప్రేక్షకుల్ని అప్పుడు ఏ మాత్రం అలరించలేకపోయింది! అయినా సరే అతడిపై నమ్మకముంచిన రవితేజ.. మరో అవకాశం ఇచ్చారు. ఇప్పుడు వీరి కాంబినేషన్లో తెరకెక్కిన 'ఖిలాడి' హిట్ అవుతుందనే ధీమాతో ఉన్నారు.
గతంలోనూ తనతో తొలి సినిమాలు తీసి, మెప్పించలేకపోయిన దర్శకులకు రవితేజ అవకాశాలిచ్చారు. ఈ క్రమంలోనే రెండు సందర్భాలు మీకోసం.
ప్రస్తుతం స్టార్ డైరెక్టర్గా పలు సినిమాలు తీస్తున్న హరీశ్ శంకర్, తన తొలి సినిమా 'షాక్'.. రవితేజతోనే తీశారు. కానీ అది ఏ మాత్రం ప్రేక్షకాదరణ దక్కించుకోలేకపోయింది. అనంతరం రవితేజ మరో ఛాన్స్ ఇవ్వగా.. 'మిరపకాయ్'తో అతడికి మెమరబుల్ హిట్ ఇచ్చారు హరీశ్.
కామెడీ చిత్రాల దర్శకుడు శ్రీను వైట్ల కూడా తన తొలి సినిమా 'నీకోసం'ను రవితేజ హీరోగా తీశారు. అది మిశ్రమ ఫలితాలు అందుకుంది. అయినా సరే వైట్లపై నమ్మకముంచిన రవితేజ.. మరో ఛాన్స్ ఇచ్చారు. దీంతో 'వెంకీ' అనే అద్భుతాన్ని, ప్రేక్షకులకు ఎప్పటికీ గుర్తుండిపోయే సినిమాను అందించారు.
ఇవీ చదవండి: