'సోగ్గాడే చిన్నినాయన'కు(Nagarjuna movies) కొనసాగింపుగా రూపొందుతున్న చిత్రం బంగార్రాజు. నాగ్‌కు జోడీగా రమ్యకృష్ణ, నాగచైతన్యకు జోడీగా కృతిశెట్టి ఇందులో నటిస్తున్నారు. కల్యాణ్‌కృష్ణ కురసాల దర్శకత్వం వహిస్తున్నారు. అయితే.. తాజాగా ఈ చిత్రంలో బంగార్రాజు డైరీకి సంబంధించిన ఓ వీడియోను విడుదల చేసింది చిత్రబృందం. అందులో నాగలక్ష్మీ పాత్ర పోషిస్తున్న కృతిశెట్టిని పరిచయం చేసింది. 'బంగార్రాజు డైరీలో ఇంత అందం దాగుందా?' అని రాసుకొచ్చింది.
ఈనెల 2న ఓటీటీ విడుదలైన 'జై భీమ్‌'తో మంచి విజయాన్ని అందుకున్న తమిళ నటుడు సూర్య.. మరో మూడు నెలల్లో 'ఎత్తర్కుమ్‌ తునింధవన్‌' చిత్రాన్ని ప్రేక్షకుల ముందుకు తీసుకురానున్నారు. ప్రపంచవ్యాప్తంగా ఈ సినిమా 2022 ఫిబ్రవరి 4న థియేటర్లలో విడుదల కానుంది. ఇదే విషయాన్ని ట్విట్టర్‌ వేదికగా తెలియజేస్తూ ఓ వీడియో విడుదల చేసింది నిర్మాణ సంస్థ సన్‌ పిక్చర్స్‌. తెల్ల పంచె, చొక్కా ధరించి మాస్‌ బీట్‌కు అదిరిపోయే డ్యాన్స్‌ స్టెప్స్‌ వేస్తూ ఈ వీడియోలో కనిపించారు సూర్య. యాక్షన్‌ థ్రిల్లర్‌లో సాగే ఈ చిత్రానికి పాండిరాజ్‌ దర్శకత్వం వహించారు. సన్‌ పిక్చర్స్‌ నిర్మిస్తోంది.