శర్వానంద్ నటిస్తోన్న కొత్తచిత్రం 'రణరంగం'. తాజాగా ఈ సినిమాలో లిరికల్ పాట విడుదలైంది. 'సీతా కల్యాణ వైభోగమే..' అంటూ సాగే ఈ గీతం ఆకట్టుకునేలా ఉంది. కల్యాణి ప్రియదర్శన్, కాజల్ అగర్వాల్ హీరోయిన్లుగా నటిస్తున్నారు. ఆగస్టు 2న చిత్రం విడుదలకానుంది.
తెలుగు సినిమాల్లో పెళ్లి పాటలు చాలా వరకు ప్రేక్షకుల్ని ఆకట్టుకునేలా ఉంటాయి. అదేరీతిలో.. "దూరం తరుగుతుంటే.. గారం పెరుగుతుంటే".. అంటూ సాగే ఈ సాంగ్ ఆసక్తికరంగా ఉంది. బాలాజీ సాహిత్యం అందించిన ఈ పాటను శ్రీహరి ఆలపించాడు. ప్రశాంత్ పిళ్లై సంగీతం సమకూర్చాడు.