యువతికి హీరో రానా ఘాటు జవాబు..!

దక్షిణాది చిత్రాల గురించి తక్కువ చేసి మాట్లాడిన యువతికి ఘాటుగా బదులిచ్చాడు హీరో రానా. సినిమాలకు భాషలు అడ్డుగోడలు కాదంటూ చెప్పాడు. ప్రస్తుతం ఈ వీడియో సామాజిక మాధ్యమాల్లో వైరల్ అవుతోంది.

భారతీయ సినిమా అంటే బాలీవుడే అని చాలామంది అనుకుంటూ ఉంటారు. మిగతా ప్రాంతాల్లో వచ్చే చిత్రాలపై కాస్త చిన్నచూపు చూపిస్తుంటారనేది చాలా మంది వాదన. ప్రస్తుతం ఈ వీడియో చూస్తుంటే నిజమే అనిపిస్తోంది. హీరో రానాను ఇంటర్వ్యూ చేసిన ఓ యువతి... దక్షిణాది చిత్రాలను తక్కువచేసేలా మాట్లాడుతూ ప్రశ్నలు అడిగింది. దీనికి ఘాటుగా బదులిచ్చాడు రానా.

'మిగతా రాష్ట్రాల గురించి పరిణతి లేకుండా భారతీయులు ఎలా ఆలోచిస్తున్నారో అర్థమవుతోంది. చాలా మంది సాంకేతిక నిపుణులు, నటీనటులతో కలిపి రూపొందించేది సినిమా. రజినీ కాంత్​కు భారత్ మొత్తం గుర్తింపు ఉంది. అవెంజర్స్ లాంటి సినిమాలు మిగతా భాషాల్లోనూ విడుదలవుతున్నాయి. మీరు అడ్డుగోడలు నిర్మించుకుంటే తప్ప సినిమాకు హద్దులు లేవు' అంటూ ఘాటుగా బదులిచ్చాడు రానా.

ప్రస్తుతం ఈ వీడియో వైరల్ అవుతోంది. సరైన సమాధానమిచ్చాడంటూ నెటిజన్లు విశేషంగా స్పందిస్తున్నారు.