ఇటీవలే 'ఇస్మార్ట్ శంకర్'తో భారీ విజయాన్ని అందుకున్నాడు హీరో రామ్. దీపావళి సందర్భంగా తన తర్వాతి చిత్రాన్ని ప్రకటించాడు. కిశోర్ తిరుమల దర్శకత్వంలో నటించనున్నట్లు ట్వీట్ చేశాడు. ఫస్ట్లుక్, టైటిల్ను సోమవారం సాయంత్రం 4 గంటల 30 నిమిషాలకు విడుదల చేయనున్నారు.
హీరో రామ్.. ఆ దర్శకుడితో మూడోసారి
హీరో రామ్.. దర్శకుడు కిశోర్ తిరుమలతో మూడోసారి కలిసి పనిచేయనున్నాడు. సినిమా ఫస్ట్లుక్, టైటిల్ను సోమవారం సాయంత్రం విడుదల చేయనున్నారు.
హీరో రామ్
వీరిద్దరి కాంబినేషన్లో ఇంతకు ముందు 'నేను శైలజ', 'ఉన్నది ఒకటే జిందగీ' చిత్రాలు వచ్చాయి. ప్రేక్షాకాదరణ పొందాయి. అయితే ఇప్పుడు తీయబోతున్న చిత్రం తమిళ హిట్ 'తడమ్'కు రీమేక్గా తెరకెక్కనుందని సమాచారం. వీటిపై స్పష్టత రావాలంటే రేపటి వరకు ఆగాల్సిందే.
ఇది చదవండి: 'సరిలేరు నీకెవ్వరు' కథ లీక్ చేసిన వెన్నెల కిశోర్