మోదీ తర్వాత అడవుల్లో సాహస యాత్రకు రజనీ

ప్రధాని నరేంద్ర మోదీ.. కొన్ని నెలల క్రితం పాల్గొన్న 'మ్యాన్​ వర్సెస్​ వైల్డ్'​ కార్యక్రమంలో, ఇప్పడు భాగం కానున్నాడు సూపర్​స్టార్ రజనీకాంత్. బేర్ గ్రిల్స్​తో కలిసి కర్ణాటకలోని అడవుల్లో సాహసాలు చేయనున్నాడు.

సూపర్​స్టార్ రజనీకాంత్.. అడవుల్లో సాహసాలు చేసేందుకు సిద్ధమయ్యాడు. అందులో భాగంగానే ప్రస్తుతం కర్ణాటకలోని బండిపురా టైగర్​ రిజర్వ్ ఫారెస్టుకు చేరుకున్నాడు. డిస్కవరీ ఛానెల్​ ప్రసారమయ్యే 'మ్యాన్ వర్సెస్ వైల్డ్' కార్యక్రమం కోసం బేర్ గ్రిల్స్​తో కలిసి పనిచేయనున్నాడు తలైవా. ప్రధానమంత్రి నరేంద్ర మోదీ.. కొన్ని నెలల క్రితం ఈ కార్యక్రమంలో భాగమయ్యారు.

ఈ డాక్యుమెంటరీ చిత్రీకరణ కోసం రెండురోజులు పాటు రజనీ అక్కడే ఉండనున్నాడని సమాచారం. ఇందులో భాగంగా అడవులు, నదులు, కొండల్లో తిరుగుతూ బేర్​ గ్రిల్స్​తో కలిసి సాహసాలు చేయనున్నాడు. ఎలాంటి సదుపాయాలు, ఆహారం లేకపోయినా అడవుల్లాంటి ప్రదేశాల్లో ఎలా బతకొచ్చో చూపిస్తుంటాడు బేర్. ప్రకృతిలో ఎదురయ్యే సమస్యల్ని ఎలా ఎదురించాలో వివరిస్తాడు. అందుకే ఈ షోకు ప్రజల్లో మంచి ఆదరణ ఉంది.