'మళ్లీ షూటింగ్​లో పాల్గొనడం సంతోషంగా ఉంది'

ఆరునెలల లాక్​డౌన్​ విరామం తర్వాత తిరిగి షూటింగ్​లో పాల్గొన్నారు నటుడు రాజేంద్ర ప్రసాద్​.. ఈ సందర్భంగా సంతోషం వ్యక్తం చేస్తూ.. కరోనా సమయంలో జాగ్రత్తగా ఉండాలని సూచించారు.

కరోనాతో సుదీర్ఘకాలం పాటు నిలిచిపోయిన సినిమా షూటింగులు ఒక్కొక్కటిగా ప్రారంభమవుతున్నాయి. ఈ క్రమంలోనే ‍ప్రముఖ నటుడు రాజేంద్ర ప్రసాద్​ శనివారం చిత్రీకరణలో పాల్గొన్నారు. ఆరునెలల విరామం తర్వాత సినిమా షూటింగ్​లో పాల్గొనడం సంతోషంగా ఉందని పేర్కొన్నారు. చిత్రీకరణ పూర్తిగా జైపూర్​ ప్యాలెస్​లో జరగుతున్నట్లు ఈ సందర్భంగా తెలిపారు. కరోనా సమయంలో ప్రజలంతా జాగ్రత్తగా ఉండాలని.. అందరినీ అలరించేందుకు సిద్ధంగా ఉన్నానని చెప్పారు.

విజయ్​ సేతుపతి, తాప్సీ ప్రధాన పాత్రలో నటిస్తున్న తమిళ చిత్రంలో రాజేంద్ర ప్రసాద్​ నటిస్తున్నారు. ఇందులో నటి రాధిక భర్తగా కనిపించనున్నారు.