అనారోగ్యంతో బాధపడుతున్న తమిళ నటుడు పొన్నాంబళన్‌కు సూపర్‌స్టార్‌ రజనీకాంత్‌, విలక్షణ నటుడు కమల్ హాసన్‌ సహాయం చేశారని టాక్. ప్రస్తుతం ఈ విషయం కోలీవుడ్ వర్గాల్లో చర్చ జరుగుతోంది.
తమిళ్‌, తెలుగు చిత్రాల్లో విలన్‌గా నటించిన పొన్నాంబళన్ చాలా రోజులుగా మూత్రపిండాల సమస్యతో బాధపడుతున్నారు. పరిస్థితి తీవ్రంగా ఉండటం వల్ల రెండు నెలలుగా చెన్నైలోని ఓ ప్రైవేటు ఆస్పత్రిలో చికిత్స పొందుతున్నారు. ప్రస్తుతం ఆయన ఆర్థికంగా ఇబ్బంది పడుతున్నారు. ఈ నేపథ్యంలో కోలీవుడ్ నటులు ఆయనకు సహాయం చేస్తున్నారు. అందులో భాగంగానే కమల్, రజనీ సాయం చేశారని తెలిసింది.