'ఇంకాసేపు అక్కడే ఉంటే ప్రాణాలు దక్కేవి కావు'

శ్రీలంక కొలంబొలో జరిగిన బాంబు దాడుల నుంచి తృటిలో తప్పించుకుంది సినీ నటి రాధికా శరత్ కుమార్.

శ్రీలంకలో జరిగిన బాంబు పేలుళ్ల నుంచి తాను తృటిలో తప్పించుకున్నానని సినీ నటి రాధికా శరత్​కుమార్ తెలిపింది. కొలంబొలోని సినమన్ గ్రాండ్ హోటల్​ బాంబు దాడి జరగడానికి కొంచెం ముందే తాను అక్కడి నుంచి వెళ్లిపోయినట్టు చెప్పింది.

"శ్రీలంకలో జరిగిన ఘటన షాక్​కు గురిచేసింది. కొలంబొలోని సినమన్ గ్రాండ్ హోటల్​లో బాంబు దాడి జరగడానికి కొంచెం ముందే నేను అక్కడి నుంచి వెళ్లిపోయాను. ఈ పిరికి పంద చర్యను ఖండిస్తున్నాను. ఈ దాడిలో ప్రాణాలు కోల్పోయిన వారి కుటుంబాలకు నా ప్రగాఢ సానుభూతి తెలుపుతున్నాను" -రాధికా శరత్​కుమార్, సినీ నటి.

శ్రీలంకలో నేడు వరుసగా ఆరు చోట్ల బాంబు పేలుళ్లు సంభవించాయి. ఈస్టర్ పర్వదినాన జనాల తాకిడి ఎక్కువగా ఉండే చర్చిలు, ఫైవ్ స్టార్ హోటళ్లే లక్ష్యంగా ఈ దాడులు జరిగాయి.

ఇది చదవండి: శ్రీలంకలో వరుస పేలుళ్లు- 140 మంది మృతి