భారత సైన్యానికి మద్దతుగా, దేశంపై అభిమానం వ్యక్తం చేస్తూ ప్రియాంకా చోప్రా ట్వీట్ చేయడం ఇటీవల తీవ్ర చర్చనీయాంశమైంది. యునిసెఫ్ గుడ్విల్ అంబాసిడర్గా ఉన్న ఆమె... శాంతి స్థాపనకు బదులు రెచ్చగొట్టేలా వ్యాఖ్యలు చేసిందని ఐరాసలో పాక్ ఫిర్యాదు చేసింది. వెంటనే సౌహార్ధ రాయబారి బాధ్యతల నుంచి తొలగించాలని కోరింది.
ఈ అంశంపై బాలీవుడ్ ప్రముఖులు ప్రియాంకకు తోడుగా నిలిచారు. తాజాగా వీరితో పాటు ఐకరాజ్యసమితి కూడా బాలీవుడ్ భామకు మద్దతిచ్చింది. అవి ఆమె వ్యక్తిగత అభిప్రాయలని ఐరాస సెక్రటరీ జనరల్ ఆంటోనియో గుటెరస్ తెలిపారు.
"వ్యక్తిగత అభిప్రాయాలు, ఆలోచనలు యూనిసెఫ్ను ప్రభావితం చేయవు. యూనిసెఫ్ తరపున అలాంటి వ్యాఖ్యలు చేస్తే వాటిని పరిగణనలోకి తీసుకోవచ్చు. గుడ్విల్ అంబాసిడర్లు వారి సమయాన్ని బాలల హక్కుల సంరక్షణ కోసం కేటాయించేందుకు స్వచ్ఛందంగా ముందుకొచ్చినవారు. వారికి వ్యక్తిగతంగా అభిప్రాయం వ్యక్తం చేసుకునే స్వేచ్ఛ ఉంటుంది".
-ఆంటోనియో గుటెరస్, ఐరాస సెక్రటరీ జనరల్