మెగాస్టార్ చిరంజీవి హీరోగా నటించిన చిత్రం 'సైరా నరసింహారెడ్డి'. ప్రస్తుతం నిర్మాణానంతర కార్యక్రమాల్లో బిజీగా ఉంది. ఆదివారం ప్రీరిలీజ్ వేడుక నిర్వహించారు. అయితే ఈ సినిమాకు సంబంధించిన ఆసక్తికర విషయం ఒకటి చర్చనీయాంశమైంది. 'బాహుబలి'తో పాన్ ఇండియా గుర్తింపు పొందిన ప్రభాస్ను 'సైరా'కు ప్రచారం చేయమని చిరు విజ్ఞప్తి చేశాడట. ఈ విషయంపై డార్లింగ్ కథానాయకుడు అంగీకారం తెలిపాడని సమాచారం.
కర్నూలుకు చెందిన ఉయ్యాలవాడ నరసింహారెడ్డి అనే స్వాతంత్ర్య సమరయోధుడి జీవితం ఆధారంగా తెరకెక్కుతోంది 'సైరా'. బ్రిటీషర్లపై పోరాడిన తొలి వ్యక్తి ఇతడే కావడం విశేషం.