ప్రభాస్ మరో రికార్డు.. తొలి దక్షిణాది హీరోగా ఘనత

అగ్ర కథానాయకుడు ప్రభాస్..​ ఫేస్​బుక్​లో 20 మిలియన్ల ఫాలోవర్స్​ను సొంతం చేసుకున్న తొలి దక్షిణాది హీరోగా నిలిచారు.

డార్లింగ్‌ హీరో ప్రభాస్‌ అరుదైన రికార్డు సొంతం చేసుకున్నారు. ఫేస్​బుక్‌లో 20 మిలియన్ల ఫాలోవర్స్ మార్క్​ను అందుకున్న‌ తొలి దక్షిణాది కథానాయకుడిగా ఘనత సాధించారు. 'బాహుబలి' సిరీస్‌తో యావత్‌ భారతదేశాన్ని ఆకట్టుకున్న ప్రభాస్.. దక్షిణాదితోపాటు ఉత్తరాదిలోనూ విశేష అభిమానాన్ని దక్కించుకున్నారు.

ప్రస్తుతం 'రాధేశ్యామ్'లో నటిస్తున్న డార్లింగ్.. ఆ తర్వాత దర్శకుడు నాగ్‌ అశ్విన్​తో కలిసి పనిచేయనున్నారు‌. వీటితో పాటే 'ఆదిపురుష్‌'లోనూ రాముడిగా కనిపించనున్నారు. ఈ మూడు భారీ ప్రాజెక్టులతో మరిన్ని రికార్డులు సృష్టించేందుకు సిద్ధమవుతున్నారు.