పవర్స్టార్ పవన్ కల్యాణ్, త్రివిక్రమ్ కాంబినేషన్లో మరో చిత్రం తెరకెక్కబోతుందని టాలీవుడ్లో ప్రచారం జరుగుతోంది. విశ్వసనీయ వర్గాల సమాచారం మేరకు పవన్.. త్రివిక్రమ్తో సినిమా చేయాలని ఆసక్తి చూపుతున్నారట. మాటల మాంత్రికుడు కథను వినిపించడం.. పవర్స్టార్ దానికి అంగీకరించడం చకచకా జరిగిపోయాయని సమాచారం. వీలైనంత త్వరగా స్క్రిప్ట్ వర్క్ను పూర్తి చేసి ప్రాజెక్టును ప్రారంభించాలని చూస్తున్నట్లు తెలుస్తోంది.
పవర్ స్టార్-త్రివిక్రమ్ కాంబినేషన్లో మరో చిత్రం!
పవర్స్టార్ పవన్ కల్యాణ్, త్రివిక్రమ్ కాంబినేషన్లో మరో చిత్రం తెరకెక్కబోతోందా? అనే ప్రశ్నకు అవుననే అంటున్నాయి టాలీవుడ్ వర్గాలు. త్రివిక్రమ్ చెప్పిన స్టోరీలైన్ నచ్చి పవన్ దానికి అంగీకారం తెలిపాడని సమాచారం. స్క్రిప్ట్ పనులు పూర్తవ్వగానే ప్రాజెక్టు పట్టాలెక్కే అవకాశం ఉందని చిత్రపరిశ్రమ వర్గాల్లో ప్రచారం జరుగుతోంది.
మాటల మాంత్రికుడు దర్శకత్వంలో మరోసారి పవన్!
పవన్ కల్యాణ్.. ప్రస్తుతం వేణు శ్రీరామ్ దర్శకత్వంలో 'వకీల్ సాబ్' చిత్రంలో నటిస్తున్నారు. ఈ చిత్రం పూర్తవ్వగానే క్రిష్ డైరెక్షన్లో రూపొందనున్న సినిమా షూటింగ్లో పాల్గొనున్నారు. మరోవైపు దర్శకుడు హరీశ్ శంకర్తో మరో చిత్రానికీ కమిట్ అయ్యారు పవన్. లాక్డౌన్ కారణంగా చిత్రీకరణలు ఎక్కడికక్కడే ఆగిపోయిన క్రమంలో క్రిష్ సినిమా మరింత ఆలస్యం అయ్యే అవకాశముంది. ఈ నేపథ్యంలో త్రివిక్రమ్తో సినిమాను పట్టాలెక్కించనున్నట్లు తెలుస్తోంది.
ఇదీ చూడండి...'ఐశ్వర్యా.. మీకోసం ప్రాణమైనా ఇచ్చేస్తా'