'వకీల్ సాబ్' వచ్చేస్తున్నాడు..

పవన్​కల్యాణ్​ 'వకీల్ సాబ్' సినిమా విడుదల తేదీ ఖరారైంది. ప్రపంచవ్యాప్తంగా ఈ ఏడాది ఏప్రిల్​ 9న రిలీజ్​ చేయనున్నట్లు ప్రకటించింది చిత్రబృందం.

అభిమానులు ఎంతో ఆసక్తిగా ఎదురుచూస్తోన్న శుభవార్త వచ్చేసింది. పవర్​స్టార్​ పవన్​కల్యాణ్​ కథానాయకుడిగా రీఎంట్రీ ఇస్తున్న చిత్రం 'వకీల్‌సాబ్‌' విడుదల తేదీ ఖరారైంది. ఈ ఏడాది ఏప్రిల్​ 9న ప్రపంచవ్యాప్తంగా విడుదల చేయనున్నట్లు ప్రకటించింది చిత్రబృందం.

వేణు శ్రీరామ్‌ దర్శకత్వంలో రూపుదిద్దుకుంటున్న ఈ చిత్రాన్ని ప్రముఖ నిర్మాత దిల్‌రాజు నిర్మిస్తున్నారు. 'కోర్టులో వాదించడం తెలుసు.. కోటు తీసి కొట్టడమూ తెలుసు..' అంటూ ఇటీవల విడుదలైన ఈ చిత్ర టీజర్​ అభిమానుల్ని ఎంతగానే ఆకట్టుకుంది.