Pawan kalyan mahesh babu: పవర్స్టార్ పవన్కల్యాణ్.. సూపర్స్టార్ మహేశ్బాబు దంపతుల్ని సర్ప్రైజ్ చేశారు. క్రిస్మస్ కానుకగా ఓ కస్టమైజ్ గిఫ్ట్తో పాటు గ్రీటింగ్ కార్డును పవన్ దంపతులు వారికి పంపారు. ఈ విషయాన్ని నమ్రత తన ఇన్స్టా స్టోరీలో పోస్ట్ చేశారు. పవన్-అన్నా లెజెన్వాకు ధన్యవాదాలు తెలిపారు.
క్రిస్మస్ను సెలబ్రేట్ చేసుకునేందుకు తన భార్య అన్నాతో కలిసి పవన్ ఇటీవల రష్యా వెళ్లారు. ఈ పండగ పూర్తయిన తర్వాత మళ్లీ తిరిగి స్వదేశానికి రానున్నారు.
గతంలో పవన్ 'జల్సా' సినిమాకు మహేశ్బాబు వాయిస్ ఓవర్ అందించారు. అయితే ఈ హీరోలిద్దరూ కలిసి నటిస్తే చూడాలని ఉందంటూ అభిమానులు ఎప్పటినుంచో కోరుకుంటున్నారు. కానీ అది కార్యరూపం దాల్చడం లేదు. ఇటీవల కాలంలో మల్టీస్టారర్ సినిమాలు పెరుగుతున్న నేపథ్యంలో భవిష్యత్లో ఒకవేళ పవన్-మహేశ్ కాంబో సెట్ అవుతుందేమో చూడాలి.