తనపై అమితమైన ప్రేమ కురిపిస్తున్న అభిమానులకు జీవితాంతం రుణపడి ఉంటానని కథానాయకుడు ఎన్టీఆర్ తెలిపారు. ఆయన బుధవారం తన 37వ పుట్టినరోజును జరుపుకొన్నారు. ఈ సందర్భంగా సినీ ప్రముఖులతోపాటు అభిమానులు సోషల్‌మీడియా వేదికగా శుభాకాంక్షలు తెలిపారు. కె. రాఘవేంద్రరావు, చిరంజీవి, ఎస్‌.ఎస్‌. రాజమౌళి, రామ్‌చరణ్‌, రకుల్‌ప్రీత్‌ సింగ్‌, కాజల్‌ తదితరులు విష్‌ చేసిన వారిలో ఉన్నారు. ఈ సందర్భంగా తారక్ అందరికీ ధన్యవాదాలు తెలుపుతూ భావోద్వేగంతో ట్వీట్ చేశారు.
"మీరు నా మీద చూపిస్తున్న అభిమానం వెలకట్టలేనిది. అన్నింటా నాకు తోడుగా వస్తున్న మీరే నా బలం. ఏమిచ్చి మీ రుణం తీర్చుకోగలను? ఏం చేసి ఈ ప్రేమకు అర్హుడిని అవగలను? చివరి దాకా మీకు తోడుగా ఉండటం తప్ప"