'మా మనసుల్లో ధోనీకి రిటైర్మెంట్ లేదు'

ధోనీ వీడ్కోలుపై మాట్లాడిన సెలబ్రిటీలు.. అతడు ఆటకు స్వస్తి చెప్పొచ్చేమో కానీ తమ మనసుల్లో మాత్రం ఎప్పటికీ అలానే ఉంటాడని అన్నారు. దాదాపు 16 ఏళ్ల పాటు భారత్​కు ఆడిన మహీ.. ఆగస్టు 15న రిటైర్మెంట్ ప్రకటించాడు.

టీమ్​ఇండియా మాజీ కెప్టెన్ మహేంద్ర సింగ్​ ధోనీ రిటైర్మెంట్​ ప్రకటించడంపై సామాన్యుల నుంచి సినీ, క్రీడా ప్రముఖుల వరకు స్పందిస్తున్నారు. అతడిపై ఉన్న ప్రేమను సోషల్ మీడియా వేదికగా పంచుకుంటున్నారు. 2011 ప్రపంచకప్​ ఫైనల్లో మహీ కొట్టిన ఐకానిక్​ సిక్స్​ను ఎప్పటికీ మర్చిపోలేనని ట్వీట్ చేశారు సూపర్​స్టార్​ మహేశ్​ బాబు. 'మమ్మల్ని అలరిస్తూనే గర్వపడేలా చేశావు. ఈ క్షణం చాలా కష్టంగా ఉన్నప్పటికీ.. భవిష్యత్తులో ఎంతో మందికి టార్చ్​ బేరర్​ అవుతావు మహీ' అంటూ దర్శకధీరుడు రాజమౌళి పేర్కొన్నారు. వీళ్లతో పాటే హీరో వరుణ్​ తేజ్​, సుశాంత్​, డైరెక్టర్​ కొరటాల శివ, బాలీవుడ్​ తారలు అభిషేక్​ బచ్చన్​, అనుష్క శర్మ, వరుణ్​ ధావన్​, విక్కీ కౌశల్​, రితేశ్​ దేశ్​ముఖ్​ తదితరులు పోస్టులు పెట్టారు.