పీపుల్స్ స్టార్ ఆర్.నారాయణమూర్తి దర్శకత్వం వహిస్తున్న చిత్రం 'మార్కెట్లో ప్రజాస్వామ్యం'. స్నేహచిత్ర పతాకంపై ఆయనే స్వయంగా నిర్మించారు. తాజాగా ఈ సినిమా ప్రివ్యూను హైదరాబాద్లో ప్రదర్శించారు.
తెలుగు అగ్రదర్శకులు వి.వి.వినాయక్, పూరీ జగన్నాథ్, శేఖర్ కమ్ముల, అనిల్ రావిపూడి సహా ప్రజాకవి గద్దర్ తోపాటు పలువురు సినీర్పముఖులు ఈ సినిమాను వీక్షించారు. ప్రస్తుత ప్రజాస్వామ్య దేశంలో నారాయణమూర్తి చూపించిన సందేశం వచ్చే ఎన్నికల నాటికి చక్కటి మార్పునకు శ్రీకారం చుడుతుందని, ప్రేక్షకులు చిత్రాన్ని ఆదరించాలని విజ్ఞప్తి చేశారు.
ఈ సందర్భంగా నారాయణమూర్తితోపాటు చిత్ర బృందానికి ప్రత్యేక అభినందనలు తెలిపారు. ప్రస్తుతం సెన్సార్ కార్యక్రమాలు జరుపుకుంటోన్న చిత్రాన్ని త్వరలోనే ప్రేక్షకుల ముందుకు తీసుకురానున్నట్లు నారాయణమూర్తి తెలిపారు.