*(shyamsingh roy movie songs)నేచురల్ స్టార్ నాని కొత్త సినిమా 'శ్యామ్సింగరాయ్'. డిసెంబరు 24న థియేటర్లలోకి రానుందీ చిత్రం. ఇందులో 'ఏదో ఏదో' అంటూ సాగే లిరికల్ సాంగ్ను గురువారం(నవంబరు 25) రిలీజ్ చేశారు. ఈ పాటలో నాని, కృతిశెట్టి కనువిందు చేస్తున్నారు.
విభిన్న కథతో తీస్తున్న ఈ సినిమాలో నాని ద్విపాత్రాభినయం చేస్తున్నారు. కోల్కతా నేపథ్యంగా చిత్రాన్ని తెరకెక్కిస్తున్నారు. సాయిపల్లవి, కృతిశెట్టి, మడోన్నా సెబాస్టియన్ హీరోయిన్లుగా నటించారు. మిక్కీ జే మేయర్ సంగీతమందించారు. 'టాక్సీవాలా' ఫేమ్ రాహుల్ సంక్రిత్యాన్ దర్శకత్వం వహించారు.
*రాజశేఖర్ హీరోగా నటించిన కొత్త చిత్రం 'శేఖర్'. ఈ సినిమా గ్లింప్స్ను గురువారం రిలీజ్ చేశారు. ఆద్యంతం ఆసక్తిగా ఉంటూ అంచనాల్ని పెంచుతోంది.
ఇందులో రాజశేఖర్.. శేఖర్ అనే రిటైర్డ్ పోలీస్ అధికారిగా కనిపించనున్నారు. మలయాళ సినిమా 'జోసెఫ్'కు ఇది రీమేక్! ఈ చిత్రానికి రాజశేఖర్ సతీమణి జీవితా రాజశేఖర్ దర్శకత్వం వహించారు. అను సితార, మస్కన్ హీరోయిన్లుగా నటిస్తున్నారు. ప్రస్తుతం షూటింగ్ చివరి దశలో ఉన్న ఈ చిత్రాన్ని త్వరలో ప్రేక్షకుల ముందుకు తీసుకురానున్నారు.