టాలీవుడ్ హీరో 'కింగ్' నాగార్జున ప్రధాన పాత్రలో నటిస్తున్న సినిమా 'మన్మథుడు-2'. చి.ల.సౌ సినిమాతో విజ‌యాన్ని అందుకున్న రాహుల్ రవీంద్రన్... మరోసారి దర్శకుడిగా వస్తోన్న రెండో చిత్రమిది. రకుల్ ప్రీత్‌ సింగ్‌ కథానాయిక. ఈ సినిమా కొత్త పోస్టర్‌ను సోమవారం విడుదల చేసింది చిత్రబృందం. ఇందులో నాగ్ ఫ్రస్ట్రేషన్తో ఉంటే ఆయన్ను చూస్తూ రకుల్, లక్ష్మి, ఝాన్సీ తదితరులు నవ్వుకుంటున్నారు. వెన్నెల కిశోర్‌, కీర్తి సురేశ్‌ కీలక పాత్రల్లో నటించారు. అక్కినేని కోడలు సమంత అతిథి పాత్రలో కనిపించనుంది.
ఇటీవల విడుదలైన ప్రోమోలు, చిత్ర టీజర్‌ బాగా ఆకట్టుకున్నాయి. చైతన్‌ భరద్వాజ్‌ బాణీలు సమకూర్చాడు. అన్నపూర్ణ స్టూడియోస్‌, వయాకామ్‌ 18 స్టూడియోస్‌, ఆనంది ఆర్ట్స్‌ సంయుక్తంగా సినిమాను నిర్మిస్తున్నాయి. ఆగస్ట్ 9న ఈ చిత్రం ప్రేక్షకుల ముందుకు రానుంది.
పోటీ ఎక్కువే...
మన్మథుడు-2 సినిమా విడుదల సమయంలో టాలీవుడ్లో వరుసగా మూవీలు సందడి చేయనున్నాయి. జులై నుంచే బాక్సాఫీస్ వద్ద సినిమాల తాకిడి ఓ రేంజ్లో ఉండనుంది.
విడుదలకు సిద్ధంగా తెలుగు సినిమాలు
- జులై నెల 18న రామ్ హీరోగా నటించిన 'ఇస్మార్ట్ శంకర్', 25న విజయ్ దేవరకొండ 'డియర్ కామ్రేడ్' విడుదల కానున్నాయి.
- ఆగస్ట్ తొలి వారంలోనే వరుసగా మూడు సినిమాలు వస్తున్నాయి. ఒకే రోజు (ఆగస్ట్ 2న) శర్వానంద్ 'రణరంగం', బెల్లంకొండ శ్రీనివాస్ 'రాక్షసుడు', కార్తికేయ 'గుణ 369' చిత్రాలు ప్రేక్షకుల ముందుకు రానున్నాయి.
- ఆగస్ట్ 9న నాగార్జున 'మన్మథుడు 2'తో వస్తుండగా... 15న ప్రభాస్ 'సాహో', 31న నేచురల్ స్టార్ నాని 'గ్యాంగ్ లీడర్' సినిమాలు థియేటర్లలో కనువిందు చేయనున్నాయి. సెప్టెంబర్ మొదటి వారంలో వరుణ్ తేజ్ నటించిన 'వాల్మీకి' కూడా క్యూలో ఉంది.
ఇవీ చూడండి...
హాలీవుడ్ రైలు ఎక్కుతున్న పరిణీతి చోప్రా
