తెలుగు ప్రేక్షకులకి చాలా థ్యాంక్స్: బన్నీ

అక్కినేని అఖిల్, పూజా హెగ్డే ప్రధానపాత్రల్లో తెరకెక్కి ఘనవిజయం సాధించిన చిత్రం 'మోస్ట్ ఎలిజిబుల్ బ్యాచ్​లర్'(most eligible bachelor movie). ఈ నేపథ్యంలో గ్రాండ్ సక్సెస్ సెలబ్రేషన్స్​ను నిర్వహించింది. ఈ వేడుకకు ఐకాన్ స్టార్ అల్లు అర్జున్ ప్రత్యక అతిథిగా విచ్చేశారు.

అక్కినేని అఖిల్, పూజా హెగ్డే హీరోహీరోయిన్లుగా నటించిన చిత్రం 'మోస్ట్ ఎలిజిబుల్​ బ్యాచ్​లర్'(most eligible bachelor movie). దసరా కానుకగా ప్రేక్షకుల ముందుకొచ్చిన ఈ చిత్రం బ్లాక్​బస్టర్​గా నిలిచింది. ఈ నేపథ్యంలో సక్సెస్ మీట్ నిర్వహించింది చిత్రబృందం. ఈ వేడుకకు ప్రత్యేక అతిథిగా హాజరయ్యారు ఐకాన్ స్టార్ అల్లు అర్జున్(allu arjun movies). ఈ నేపథ్యంలో వారు ఏం మాట్లాడారో చూద్దాం.

• "అల్లు అరవింద్​తో పనిచేయడం అదృష్టంగా భావిస్తున్నా. ఆయనతో మాట్లాడితే నా గాడ్ ఫాదర్​తో మాట్లాడినట్లు ఉంటుంది. మా నాన్నకు ప్రామిస్ చేసినట్లుగానే గుండెల్లో పెట్టుకుని చూసుకున్నారు. మీకు చాలా కృతజ్ఞతలు. మీతో కలిసి మరోసారి పని చేయాలని కోరుకుంటున్నా. ఈ సినిమా కోసం నిజాయతీగా పనిచేశాం. ఓ మంచి సినిమా తీశామనే ధైర్యంతో దసరాకి రిలీజ్ చేశాం. మా సినిమాను ఆదరించిన ప్రేక్షకులందరికీ ధన్యవాదాలు. ఈ వేడుకకు ప్రత్యేక అతిథిగా వచ్చినందుకు బన్నీకి ప్రత్యేక కృతజ్ఞతలు. 'పుష్ప'తో పాటు మీరు చేసే భవిష్యత్ ప్రాజెక్టులన్నీ సక్సెస్ కావాలని కోరుకుంటున్నా" అని తెలిపారు అఖిల్.
  

  బన్నీ, అఖిల్, పూజ
• "మొదటగా అఖిల్​కు కంగ్రాట్యులేషన్స్. అఖిల్​ను చూస్తే యంగర్ బ్రదర్ ఫీలింగ్ ఉంటుంది. అఖిల్ డ్యాన్స్, ఫైట్స్ బాగా చేస్తాడు. వీటిని పక్కకు పెట్టి ఓ మంచి కుటుంబకథా చిత్రం చేయాలని భావించి సక్సెస్ సాధించారు. నాగ చైతన్య కూడా ఇటీవల 'లవ్​స్టోరీ'తో సక్సెక్ కొట్టారు. ఈ విజయాల్ని చూసి మీ తాతయ్య (అక్కినేని నాగేశ్వరావు), నాన్న నాగార్జున గర్వపడుతూ ఉంటారు. 'డీజే' చిత్రం నుంచి పూజా హెగ్డేను చూస్తూనే ఉన్నా. సినిమా సినిమాకూ సక్సెస్ కొడుతోంది. ఈ సినిమాతో మరో రెండు మెట్లు ఎక్కావని అనుకుంటున్నా. దర్శకుడు భాస్కర్​ హిట్​ కొడతాడని తెలుసు. ఈ సినిమాతో హిట్ కొట్టబోతున్నాడని బన్నీ వాసు చెప్పినపుడు సంతోషంగా ఫీలయ్యా. కంగ్రాట్యులేషన్స్ భాస్కర్. మ్యూజిక్ డైరెక్టర్ గోపీసుందర్​ చాలా బాగా పాటల్ని కంపోజ్ చేశారు. అందరికీ హిట్లు ఇస్తున్నా మీరు నాకెప్పుడు హిట్ ఆల్బమ్ ఇస్తారు. కొవిడ్ సమయంలోనూ థియేటర్లకి వచ్చి సినిమాల్ని ఆదరిస్తున్న తెలుగు ప్రేక్షకులకి చాలా చాలా థ్యాంక్స్. ఈ సీజన్​లో మరికొన్ని సినిమాలు రాబోతున్నాయి. వాటన్నింటికీ ఆల్​ ద బెస్ట్. అలాగే డిసెంబర్ 17న 'పుష్ప' రాబోతుంది. తగ్గేదెలే" అంటూ ముగించారు బన్నీ.