'మీరు ఎంత హాట్గా ఉన్నారంటే.. మీ నడుముపై నేను చపాతి కాల్చగలను' అని ఓ నిర్మాత తనతో అన్నట్లు గుర్తుచేసుకుంది బాలీవుడ్ నటి మల్లికా శెరావత్(mallisherawat latest udpates). 'ది లవ్ లాఫ్ లివ్ షో'లో పాల్గొన్న ఈ ముద్దుగుమ్మ.. తన కెరీర్లో ఎదుర్కొన్న ఆసక్తికర సంఘటనలను వెల్లడించింది. ఇందులో భాగంగానే యాంకర్ మందిర.. 'మీ నడుముపై ఓ నిర్మాత చపాతీ కాలుస్తాను లేదా ఎగ్ ఫ్రై చేస్తాను అని అన్నారంట కదా' అని మల్లికను అడగ్గా.. ఆమె అవునని సమాధానమిచ్చింది. ఈ మాట చెప్పడానికి తనను ఎలా సంప్రదించాడో కూడా వివరించింది(mallisherawat latest news).
"ఇది నాకో వింత అనుభవం. నాతో ఓ పాటను తీయాలని ఓ నిర్మాత నన్ను సంప్రదించాడు. హాట్ సాంగ్ రూపొందించాలని అతడు భావించినట్లు అర్థమైంది. ప్రేక్షకులకు నన్ను హాట్గా చూపించాలని తాను అనుకున్నట్లు చెప్పాడు. 'మీరు ఎంత హాట్గా ఉన్నారంటే మీ నడుముపై నేను ఓ చపాతీని కాల్చగలను' అని నాతో అన్నాడు. ఆ తర్వాత నేను ఆ పాటకు తిరస్కరించాను"