ప్రేమకథల్ని తెరకెక్కించడంలో మాస్టర్‌ అనిపించుకున్న దర్శకుడు శేఖర్ కమ్ముల. సహజత్వం ఉట్టిపడేలా కథ, కథనాల్ని నడిపిస్తూ... హీరోహీరోయిన్ల మధ్య మంచి కెమిస్ట్రీని ఉండేలా సన్నివేశాలు తెరకెక్కిస్తాడు. తాజాగా మరో అందమైన 'లవ్స్టోరీ'ని ప్రేక్షకుల ముందుకు తీసుకువస్తున్నాడీ స్టార్ డైరెక్టర్. ఈ సినిమాలో నాగచైతన్య, సాయిపల్లవి జంటగా నటిస్తున్నారు.
ఇటీవలే సామాజిక మాధ్యమాల్లో 'ఏయ్ పిల్లా' ప్రోమోకు విశేషాదరణ లభించటం వల్ల.. తాజాగా ఆ పాటకు సంబంధించిన పూర్తి లిరికల్ వీడియోను విడుదల చేసింది చిత్రబృందం.