2020.. మరో కొద్ది రోజుల్లో ముగిసిపోనుంది. ఈ నేపథ్యంలో ఈ ఏడాది ట్విట్టర్లో అత్యధిక లైక్లు, రీట్వీట్లు, హ్యాష్ట్యాగ్లు పొందిన ట్వీట్స్ను ప్రకటించింది ట్విట్టర్. 'ఈ ఏడాది ఇదీ జరిగింది' అనే పేరుతో వాటిని విడుదల చేసింది. అవేంటో చూద్దాం.
అత్యధిక రీట్వీట్లు
ఫిబ్రవరిలో తమిళ స్టార్ హీరో విజయ్.. తన అభిమానులతో తీసుకున్న సెల్ఫీ ఫొటో ఎక్కువ రీట్వీట్లు పొందిన ట్వీట్గా నిలిచింది. నైవేలీలో ఈ ఫొటోను క్లిక్మనిపించాడు విజయ్.
క్రీడల విషయానికొస్తే.. ప్రధాని మోదీకి ధోనీ ధన్యవాదాలు తెలిపిన ట్వీట్ అత్యధిక రీట్వీట్లను సాధించింది. ధోనీ రిటైర్మెంట్ ప్రకటించిన సమయంలో మోదీ అతడి సేవలకు ధన్యవాదాలు తెలుపుతూ ఓ ట్వీట్ చేశాడు. దానికి థ్యాంక్స్ చెబుతూ ధోనీ మరో ట్వీట్ చేశాడు. దీనికి క్రీడల విభాగంలో అత్యధిక రీట్వీట్లు లభించాయి.
అత్యధిక లైక్లు
అనుష్క ప్రెగ్నెన్సీ గురించి ఆమె భర్త, టీమ్ఇండియా సారథి విరాట్ కోహ్లీ చేసిన ట్వీట్ ఈ ఏడాది అత్యధిక లైక్లను దక్కించుకుంది. అలాగే ఇదే విషయాన్ని తెలుపుతూ అనుష్క చేసిన ట్వీట్ టాప్-5లో చోటు సంపాదించింది.