మెరుగుపడిన లతా మంగేష్కర్ ఆరోగ్యం

బాలీవుడ్ గాయని లతా మంగేష్కర్ ఆరోగ్యం చాలావరకు కుదుటపడిందని ఆమె కుటుంబ సభ్యులు తెలియజేశారు. ఈ మేరకు అభిమానులకు కృతజ్ఞతలు చెప్పారు.

సంగీత దిగ్గజం లతా మంగేష్కర్ అభిమానుల పూజలు ఫలించాయి. ఆమె ఆరోగ్యం చాలా వరకు కుదుటపడిందని, త్వరలో పూర్తిగా కోలుకుంటారని లత సన్నిహితులు తెలిపారు. అభిమానులకు, శ్రేయోభిలాషులకు, ఆమె కుటుంబ సభ్యులు కృతజ్ఞతలు చెప్పారు.

"లతా దీదీ ఆరోగ్యం మెరుగైంది. మాకు చాలా ఆనందంగా ఉంది. మీ ప్రార్ధనలు ఫలించాయి. ఆమె బాగుండాలని కోరుకున్న ప్రతి ఒక్కరికీ మా ధన్యవాదాలు" - లతా మంగేష్కర్ కుటుంబ సభ్యులు.

శ్వాస తీసుకోవడంలో ఇబ్బంది పడిన బాలీవుడ్ గాయని.. ఈ సోమవారం తెల్లవారుజామున ముంబయిలోని బ్రీచ్​ కాండీ ఆసుపత్రిలో చేరారు.

వివిధ భాషల్లో 30వేల పైచిలుకు పాటలను ఆలపించిన సంగీత దిగ్గజాన్ని 2001లో భారత రత్నతో గౌరవించింది కేంద్ర ప్రభుత్వం. లతా మంగేష్కర్ చివరగా 2004లో వచ్చిన బాలీవుడ్ చిత్ర వీర్ జారా సినిమాలో పూర్తి ఆల్బమ్ పాడారు.