లేడీ అమితాబ్‌ బచ్చన్‌ విజయశాంతి 13 ఏళ్ల విరామం తర్వాత 'సరిలేరు నీకెవ్వరు' చిత్రం కోసం మళ్లీ మేకప్‌ వేసుకుంది. ఆమె రీఎంట్రీతో అందరిలోనూ ఆసక్తి నెలకొంది. మళ్లీ ఆమెను వెండితెరపై చూడొచ్చని అభిమానులు ఆనందపడ్డారు. అందుకు తగ్గట్టే ఈ నెల 11న వచ్చిన 'సరిలేరు నీకెవ్వరు' చిత్రంలో ఆమె పవర్‌ఫుల్‌ పాత్రలో కనిపించింది. అయితే ఈ సినిమాలో నటించేందుకు విజయశాంతి తీసుకున్న పారితోషికంపై టాలీవుడ్‌లో పెద్ద టాక్‌ నడుస్తోంది. జీఎస్టీతో కలిపి ఆమె రూ.1.5 కోట్లు తీసుకున్నట్లు ప్రచారం జరుగుతోంది. ఈ సినిమాలో కథానాయిక రష్మిక అందుకున్న పారితోషకం కంటే ఇది ఎక్కువని అంటున్నారు. మరి ఇందులో ఏ మాత్రం నిజం ఉందో తెలియాలంటే నిర్మాతలు స్పందించాల్సిందే.
ఇదీ చూడండి: హీరోయిన్ రష్మిక ఇంట్లో ఐటీ సోదాలు.. పారితోషికమే కారణమా!
రాజకీయాలతో పాటు నటనను కొనసాగించాలనే ఉద్దేశంలో విజయశాంతి ఉంది. ఈ విషయాన్ని ఆమె స్వయంగా ఓ ఇంటర్వ్యూలో చెప్పింది. కానీ సాధారణ పాత్రల్లో నటించనని, పవర్‌ఫుల్‌ రోల్స్‌ వస్తేనే చేస్తానని తెలిపింది.