వీరి ఫొటోలు ఇక అందరూ చూడొచ్చు

అందాలతార శ్రీదేవి చిన్న కూతురు ఖుషీ కపూర్, అమితాబ్ బచ్చన్ మనవరాలు నవ్య నవేలీ నందా.. తమ ఇన్​స్టా ఖాతాలను పబ్లిక్ చేశారు. వారు ఏమేం పంచుకున్నారో మీరూ ఓ లుక్కేయండి.

బిగ్​బీ అమితాబ్​ బచ్చన్ మనవరాలు నవ్య నవేలీ నందా.. తన ఇన్​స్టాగ్రామ్​ ఖాతాను బహిరంగపరిచింది. అతిలోకసుందరి శ్రీదేవి కూతురు ఖుషీ కపూర్ కూడా ఇదే బాట పట్టింది. ఇద్దరూ తమ జీవిత విశేషాలను ప్రజల ముందుంచడానికి వారి ఖాతాల ప్రైవసీ తొలగించి పబ్లిక్​కు మార్చారు.

నటుడు మీజాన్​తో రిలేషన్​షిప్​ కారణంగా నవ్య నవేలీ వార్తల్లో నిలుస్తూ వచ్చింది. సినిమాల్లో అరంగేట్రం చేయకున్నా.. సామాజిక మాధ్యమాల్లో ఆమెను అనుసరించేవారి సంఖ్య వేలల్లో ఉంది. ఇన్​స్టాలో నవ్యకు చాలా ఫ్యాన్​ పేజీలున్నాయి. 2017 ఆగస్టులో ఖాతా తెరిచిన ఆమెకు ప్రస్తుతం 86వేల పైచిలుకు ఫాలోవర్లు ఉన్నారు.

నటి జాన్వీ కపూర్​ చెల్లెలు ఖుషీ కపూర్.. 2015లో ప్రైవేటు ఖాతా తెరిచారు. అందులో తన స్నేహితులు సహా తల్లి శ్రీదేవితో దిగిన ఫోటోలు ఆకట్టుకుంటున్నాయి. ఆమెను లక్షకు పైచిలుకు మంది అనుసరిస్తున్నారు.

ఇదీ చూడండి:బీచ్​లో సెగలు పుట్టిస్తోన్న కంగనా రనౌత్