రోజుకు రూ.35 సంపాదిస్తున్న 'కేజీఎఫ్' సంగీత దర్శకుడు

కరోనా వల్ల సొంతూరికి వెళ్లిన సంగీత దర్శకుడు రవి బస్రూర్.. ఆభరణాలు, పనిముట్లు తయారీలో తండ్రికి సాయం చేస్తున్నాడు. ఆ వీడియోలు ప్రస్తుతం వైరల్​గా మారాయి.

భారత్​లో కరోనా ప్రభావం పేద ప్రజలపై తీవ్రంగా పడింది. ప్రస్తుతమున్న లాక్​డౌన్ పరిస్థితుల వల్ల వారి రోజుగడవడం కష్టమైంది. అయితే ఇలాంటి సమయంలోనే 'కేజీఎఫ్' సంగీత దర్శకుడు రవి బస్రూర్.. ఆభరణాలు తయారు చేస్తూ రోజుకూ రూ.35 సంపాదిస్తున్నాడు. ఆ ఆసక్తికర వీడియోలను ఫేస్​బుక్​లో పంచుకున్నాడు.

ప్రస్తుతం షూటింగ్​లు వాయిదా పడటం వల్ల, ఉడిపిలోని తన స్వగ్రామం కుందాపురాకు వెళ్లిపోయాడు రవి బస్రూర్. ఆభరణాల తయారీలో తన తండ్రికి సాయం చేస్తున్నాడు. అయితే పాత జ్ఞాపకాలు నెమరవేసుకునే అదృష్టాన్ని దేవుడు తమకు ఇచ్చాడని రాసుకొచ్చాడు.