మాతృత్వ అనుభూతి పొందుతోన్న కీర్తి సురేశ్..!

కీర్తి సురేశ్ ప్రధాన పాత్రలో రూపొందుతున్న ద్విభాషా చిత్రం 'పెంగ్విన్' లుక్​ విడుదలైంది. ఇందులో గర్భవతి పాత్రలో కనిపించనుందీ భామ.

హీరోయిన్ కీర్తి సురేశ్.. నాయికా ప్రాధాన్యమున్న మరో సినిమాలో నటించేందుకు సిద్ధమైంది. 'పెంగ్విన్' పేరుతో ఈ చిత్రం తెరకెక్కుతోంది. గురువారం ఆమె పుట్టినరోజు సందర్భంగా ఫస్ట్​లుక్​ను విడుదల చేశారు. చీకట్లో తన కడుపుపై కీర్తి చేయివేసి నిల్చున్న ఈ ఫొటో ఆసక్తి రేపుతోంది.

పెంగ్విన్ సినిమా లుక్​

తెలుగు, తమిళ భాషల్లో రూపొందుతోన్న ఈ చిత్రాన్ని వచ్చే ఏప్రిల్​లో ప్రేక్షకుల ముందుకు తీసుకురానున్నారు. సంతోష్ నారాయణ్ సంగీతమందిస్తున్నాడు. ఈశ్వర్ కార్తిక్ దర్శకత్వం వహిస్తున్నాడు. కార్తికేయన్ సంతానం, ప్యాషన్​ స్టూడియోస్ సంయుక్తంగా నిర్మిస్తున్నాయి.

ఇది చదవండి: పుట్టినరోజున హీరోయిన్ కీర్తి సురేష్ కానుక