సినిమా నేపథ్యంతో సంబంధం లేకుండా యాక్టర్ అవ్వాలనుకునే వారికి నాని ఓ స్ఫూర్తి అని అభివర్ణించాడు ఆర్ఎక్స్ 100 ఫేం కార్తికేయ. నాని ప్రధాన పాత్రలో విక్రమ్ కె కుమార్ దర్శకత్వం వహించిన చిత్రం 'గ్యాంగ్ లీడర్.' ఈ సినిమాలో ప్రతినాయకుడి పాత్ర పోషించాడు కార్తి. ఈ సినిమా ప్రీ రిలీజ్ వేడుక విశాఖపట్నంలో ఘనంగా జరిగింది.
" మీలాగే నేను కూడా నానికి పెద్ద ఫ్యాన్. ఎలాంటి సినీ నేపథ్యం లేకుండా నటుడు అవుదామని ఇండస్ట్రీలోకి వచ్చే వారికి స్ఫూర్తిగా కొన్ని పేర్లు కనపడతాయి. మొదటి పేరు మెగాస్టార్ చిరంజీవి. ఆ తర్వాత రవితేజ. ప్రస్తుతం నాలాంటి యువత ఇంట్లో చెప్పుకోడానికి నాని. ప్రతి విషయంలోనూ ఆయనను స్ఫూర్తిగా తీసుకోవచ్చు. సాధారణ కుటుంబం నుంచి వచ్చి నేచురల్ స్టార్ అని పేరుతెచ్చుకోవడం మామూలు విషయం కాదు. విక్రమ్, నానితో కలిసి పనిచేయడం నా అదృష్టం."
--కార్తికేయ, సినీ నటుడు.